د اوبو او انرژي وزارت او د عوفي بهرام شرکت ترمنځ د ۷ پروژو د مالي تمویل او پلي کولو هوکړه لیکونو تړون لاسلیک شو
د اوبو او انرژي سرپرست وزیر محترم الحاج ملا عبداللطیف منصور د عوفي بهرام شرکت له مسؤل سره د پروژو د مالي تمویل او د ۷ برېښنا لېږد مزي پروژو د پلي کولو او د برېښنا سب سټیشنونو د جوړولو تړون لاسلیک کړ.
د دغو پروژو هوکړه لیک چې د بغلان ولایت له الوان دښتې د کابل تر ارغندۍ پورې د ۵۰۰ کیلو ولټ لېږد مزي د پاتې چارو بشپړول، د کابل ولایت د ارغندۍ ۵۰۰ کیلو ولټ مزي د پاتې چارو بشپړول، له چمتلې څخه تر تره خېلو او له ارغندۍ تر بت خاک پورې د ۲۲۰ کیلو لېږد مزو غځول، د تره خېلو، بت خاک او د ارغندۍ د ریکتوبې سب سټیشنونو جوړول شامل دي، تر دې مخکې د اوبو او انرژي وزارت او نوموړي شرکت ترمنځ په کلي ډول لاسلیک شوې وو، اوسمهال دغه تړون په بشپړه او واضح توګه د دواړو لورو د مسؤلیتونو او دندو په تعریفولو سره د پروژې د چارو د چټکتیا او د هغوی د لاره غوره پلي کولو په موخه لاسلیک شو.
