د اوبو او انرژي وزارت د انرژي معین د ګلدرې له ولسوال او قومي مشرانو سره په هغې ولسوالي کې د برېښنا رسونې پروژې په هکله خبرې، اترې وکړې
د اوبو او انرژي وزارت د انرژي معین محترم الحاج ملا عبدالهادي یعقوب د خپل کار په دفتر کې د ګلدرې له ولسوال محترم مولوي محمد عثمان عثماني او د هغې ولسوالي له یو شمېر سپین ږیرو او قومي مشرانو سره وکتل.
په دغه لیدنه کې، د ګلدرې ولسوال او قومي مشرانو په نوموړې ولسوالي کې د برېښنا رسونې پروژې او د اوبو ذخیروي بند د جوړوېدو غوښتنه وکړه.
د انرژي محترم معین هغوی ته ډاډ ورکړ، چې د دغه وزارت له لوري به په راتلونکي کې د شته امکاناتو په پام کې نیولو سره د ګلدرې ولسوالي د برېښنا رسونې په برخه کې اړینه پاملرنه وشي.
