د اوبو او انرژي وزارت د اوبو معین د هلمند ولایت له مشرانو سره وکتل
یاده ناسته چې د هلمند ولایت د نهرالسراج پروژې د بیا په لاره اچولو په موخه ترسره شوه، د هلمند ولایت مشرانو د یادې پروژې د کار د بیا پيلولو غوښتنه وکړه.
د اوبو او انرژي وزارت د اوبو معین ښاغلي مجیب الرحمن عمر آخندزاده د هلمند ولایت له مشرانو سره د نهرالسراج په پروژې کې د همکاري ترڅنګ، په هلمند ولایت کې د نورو پروژو د پلي کولو په برخه کې هم د همکاري ژمنه وکړه.
همدارنګه د اوبو ښاغلي معین یادونه وکړه چې د نهرالسراج پروژې د قرارداد تر څېړلو وروسته، به یې عملي چارې بیا پيل شي.
