د اوبو او انرژي وزارت د اوبو معین د کمال خان بند پروژې څخه لیدنه وکړه
د افغانستان اسلامی امارت د رهبري د هدایت په اساس د اوبو او انرژی وزارت د اوبو معین ښاغلي انجنیر مجیب الرحمن "عمر"، د هلمند سیندیزي حوزې عمومي رئیس قاري عبدالهادي هادي ، د هریرود مرغاب سیندیزي حوزې عمومي رئیس مولوي عبدالسلام او د یاد وزارت یو شمېر تخنیکي مسؤلینو د کمال خان بند د چارو بیا شروع کیدو او نهر لشکری کانال د پاک کاری په منظور د یادو پروژو څخه لیدنه وکړه .
په دی لیدنه کې د نیمروز ولایت محترم والي ، د نیمروز سیدیزي حوزې رئیس او قومي سپینږیرو د کمال خان بند د قراردادی شرکت له مسولینو سره ناسته ترسره کړه، چی په دې لیدنه کې د کمال خان بند د کارونو بیا شروع کیدو او همدارنګه د نهر لشکري کانال د پاک کاري لپاره بحث او د نظر تبادله وشوه او مناسبی لاری او چاری ولټول شوي.
همدارنګه په دې لیدنه کی د نیمروز سیندیزي حوزې، د کمال خان بند قراردادي شرکت او د نهر لشکري کانال د ګټی اخیستونکو ستونزې له نږدی ولیدل شوي چې په نږدې راتلونکي کې به مشکلات حل او د یادو پروژو کارونه شروع شي.
