د اوبو او انرژي وزارت د اوبو په معینیت کې د سترو قراردادونو د څېړنې ناسته ترسره شوه
دغه ناسته د اوبو او انرژي وزارت داوبو معین محترم مجیب الرحمن عمر آخندزاده، د ټولګټو وزارت د معین محترم مولوي عبدالکریم فاتح، د کلیو بیارغونې وزارت معین محترم مولوي شرف الدین، د اقتصاد وزارت معین محترم ډاکټر عبداللطیف نظري، د چارو ادارې د ملي تدارکاتو مرستیال محترم شیخ عبدالرحیم رحیمي او د یو شمېر نورو وزارتونو او ادارو د استازو په شتون کې ترسره شوه.
په دغه ناسته کې، په هرات ولایت کې د افغانستان برېښنا شرکت اړوند د لمریزې برېښنا یوې فابریکې د قرارداد ډیزاین، اکمالاتو، نصب، آزمایښت او د کمیشن کاري چمتوکول، د هرات ولایت په څلورو ولسوالیو ( پښتون زرغون، اوبه، کرخ او چشت شریف) کې د افغانستان برېښنا شرکت اړوند د سب سټیشنونو قرارداد او د ټولګټو وزارت اړوند په بغلان ولایت کې د سړک جوړونې یوې پروژې قرارداد تر څېړنې لاندې ونیول شول.
د ناستې په بهیر کې د هرې موضوع په هکله په مفصله توګه بحث او د اندونو تبادله وشوه او اړینې پرېکړې وشوې،ترڅو د اقتصادي محترم کمېسیون سره شریک شي.
