د اوبو او انرژي وزارت د اوبو چارو د تنظیم عمومي ریاست د " اطاق فکر" لومړۍ ناسته ترسره شوه
د دې وزارت د اوبو چارو د تنظیم عمومي ریاست د " اطاق فکر" لومړۍ ناسته چې د اوبو او انرژي وزارت د اوبو معینیت د اوبو یو شمېر متخصصینو په ګډون ترسره شوه، پکې د څېړنو د ډولونو او د پولې تېريدونکو اوبو د بېلابېلو برخو په هکله بحث او د نظر تبادله وشوه.
د اوبو متخصصینو په یاده ناسته کې د څېړنو د ډولونو او همدارنګه د پولې تېریدونکو اوبو د مسایلو د هوارولو پر څرنګوالي باندې خپل اندونه وړاندې کړل.
د " اطاق فکر" ناستو د ترسره کولو موخه یو د بل سره په بېلابېلو څانګو کې د اوبو د متخصصینو د تجربو شریکول او د بېلابېلو مسایلو په هکله څېړنه ده.
