د اوبو او انرژي وزیر د بخش آباد بند د انحرافي تونلونو او د بند له سیمې څخه لیدنه وکړه
۱۴ شعبان ۱۴۴۷ هـ ق مطابق ۱۳ دلو ۱۴۰۴هـ ش
د اوبو او انرژي وزیر محترم الحاج ملا محمد یونس آخندزاده فراه ولایت ته د خپل سفر په ترڅ کې په داسې حال کې چې د فراه والي محترم ملا محمد حافظ مجاهد، د هریرود مرغاب عمومي حوزوي رئيس محترم مولوي عبدالسلام مستوفي آغا، د فراه د اوبو او انرژي رئيس محترم ملا برهان الدین مینوال، د فراه امنیه قوماندان محترم مولوي محمد عیسی شریف، د هرات د کلیو د بیارغونې او پراختیا رئيس محترم ملا عبدالسلام هجرت، د هلمند د کلیو د بیارغونې او پراختیا رئيس محترم حاجي محمود ثاني او د فراه ولایت یو شمېر نورو سیمهایزو مسؤلینو یې ملتیا کوله د بخش آباد بند د انحرافي تونلونو او د بند له سیمې څخه لیدنه وکړه او اړوندو مسؤلینو ته د تونلونو د ساتنې او څارنې په موخه اړینې لارښوونې وکړې.
همدغه راز، د اوبو او انرژي وزیر د فراه ولایت له یو شمېر قومي مشرانو او مخورو سره وکتل او د هغوی ستونزې او وړاندیزونه واورېدل او ډاډ یې ورکړ چې د اوبو او انرژي وزارت به د هغوی ستونزو او وړاندیزونو ته د شته امکاناتو او متوازنې پراختیا په پام کې نیولو سره رسېدنه وکړي.
