د اوبو د چارو د تنظیم ملي ادارې او د فورټسکیو کمپنۍ استازي تر منځ د همغږۍ ناسته تر سره شوه.
د اوبو د چارو د تنظیم ملي ادارې لوی رئیس ښاغلي انجنیر خان محمد تکل په مشرۍ په افغانستان کې د فورټسکیو کمپنۍ استازي ننګیالي شینواري سره د همغږۍ ناسته تر سره شوه.
په دغې جلسه کې د دواړو ادارو په همغږۍ او ګډې همکارۍ خبرې او د نظرونو تبادله وشوه.
د اوبو د چارو د تنظیم ملي ادارې لوی رئيس ښاغلي انجنیر خان محمد تکل د فورتسکیور کمپنۍ څخه د قدردانۍ تر څنګ د هېواد پرمختګ په برخه کې د دغې کمپنۍ پانګه اچونه یو لوې او غوره فرصت یاد کړ.
ښاغلي تکل د اوبو مدیریت او د اوبو د چارو د تنظیم ملي ادارې کارمندانو ظرفیت لوړونې په برخه کې د فورټسکیو کمپۍ له مرستې مننه وکړه او د دواړو ادارو په دومداره همکاریو یې ټينګار وکړ.
په عین حال کې په افغانستان کې د فورټسکیو کمپنۍ نماینده ننګیالی شینواري د اوبو د چارو د تنظیم ملي ادارې د رهبرۍ له فعالیتونو او زحمتونو قدرداني وکړه، هغه زیاته کړه چې د فورټسکیو کمپنۍ د اوبو د چارو د تنظیم ملي ادارې د پراختیاي پروژو په تطبیق او د کارکوونکو د زده کړو په برخه کې هر اړخیزه همکاري کوي.
په اخر کې دواړو لورو د چارو همغږۍ په موخه د ناستو په دوام ټيګار وکړ.
