د اوبو د چارو د تنظیم ملي ادارې لوی رئيس د جوزجان سیندیزې حوزې څخه لیدنه وکړه.
د اوبو د چارو د تنظیم ملي ادارې لوی رئيس او د انرژي خدماتو د تنظیم ادارې سرپرست ښاغلي انجنیر خان محمد تکل جوزجان ولایت ته د خپل رسمي سفر په ترڅ کې په جوزجان ولایت کې د دغې ادارې اړوند سیندیزې حوزې ریاست څخه لیدنه وکړه.
ښاغلي تکل په دغه لیدنه کې د یادې حوزې چارې وارزولې او د حوزې رئيس په ګډون یې ټولو کار کوونکو ته لازم هدایات ورکړ او سپارښتنه یې وکړه چې د اوبو مدیریت او پراختیاي پروژو د تطبیق په برخه کې ولس ته غوره خدمات وړاندې کړي.
هغه د ترکمنستان _ شبرغان د بريښنا پرانیستې مراسمو کې د دغې حوزې کار کوونکو له هڅو او ستړیاو قدرداني وکړه او دوئ ته یې د هر ډول همکاري او ځانګړې پاملرنې ډاډ ورکړ.
په اخر کې د جوزجان ولایت ولسي دود پر ځای کولو په موخه د یاد ولایت مرستیال، د دغې حوزې رئيس او نورو کارکوونکو لخوا ښاغلي تکل ته د عزت چپن په اوږو کړه.
د یادونې وړ ده چې د اوبو د چارو د تنظیم ملي ادارې لوي رئيس جوزجان ولایت ته د ترکمنستان _ شبرغان بريښنا پروژې پرانیستې په موخه ورغلی چې دغه پروژه به سبا پنجشنبه د دواړو هېوادونو ولسمشرانو لخوا پرانیستل شي چې د افغانستان بريښنا ظرفیت کې به د پام وړ مرسته وکړي.
