د اوبو معلوماتي ملي سیسټم د چارو پيشرفت او همغږۍ په موخه جلسه تر سره شوه.

د اوبو معلوماتي ملي سیسټم د چارو پيشرفت او همغږۍ په موخه جلسه تر سره شوه.

Afghanistan National Water Information System (ANWIS) progress meeting

دغه جلسه د اوبو معلوماتي ملي سیسټم د چارو پرمختګ، د چارو بررسي او د پروژې ANWIS د تېرو څلورو میاشتو اجرااتو او ارزیابي په موخه انلاین جلسه د اوبو چارو د تنظیم ملي ادارې د تخنیکي مرستیال انجنیر احمد ویس بصیري په مشرۍ او د اوبو سرچینو عمومي رئيس انجنیر فایزالرحمن عزیزي، د ANWIS پروژې سرټيم ډاکټر وحید شهریار، متخصیصینو، داخلي او بهرنیو سلاکارانو په شتون کې تر سره شوه.

په دغه جلسه کې د برنامې سرټيم ډاکټر وحید او د سیسټم جوړونې ارشد متخصص ښاغلي پيټر لخوا د چارو نوعیت او د تر سره شویو فعالیتونو په اړه جلا جلا پرزنټېشنونه وړاندې شول.

ښاغلي انجنیر احمد بصیري د مننې تر څنګ د اسټرالیا هېواد د تر سره شویو تخنیکي فعالیتونه مثبت او پرځای ارزیابي کړل او د اوبو معلوماتي ملي سیسټم یې د هېواد د اوبو مدیریت لپاره اساسي لومړیتوب یاد کړ او د نورو ملي او نړیوالو سازمانونو سره یې په همغږۍ ټينګار وکړ.

تر څنګ یې د دواړو طرفو مسؤلینو او متخصیصینو د اوبو معلوماتي ملي سیسټم د غنامندۍ او پراختیا لپاره د نظرونو تبادله وکړه او د راتلوونکو پلانونو په اړه تصامیم ونیول.

د اوبو چارو د تنظیم ملي اداره