د اوبو معینیت اونیزه تخنیکي ناسته ترسره شوه

دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د اوبو او انرژي وزارت د اوبو سکتور د رئيسانو، سلاکارانو او یو شمېر کارپوهانو په ګډون ترسره شوه.

په دغه ناسته کې، د اوبو  د مدیریت اړوند موضوعاتو په ځانګړې توګه په کابل ښار کې د اوبو سرچینو وضعیت ته په کتو د هر وګړي لپاره د څښاک او ژوند لپاره د  اوبو د کچې د ټاکلو او تثبیت په هکله بحث او د اندونو تبادله وشوه.

د ناستې په بهیر کې، رئيسانو او کارپوهانو د نوموړې موضوع په هکله خپل معلومات او اندونه وړاندې کړل او همدارنګه د اوبو د محترم معین له لوري اړوندو مسؤلینو ته اړینې لارښوونې او سپارښتنې وشوې.