د اوبو معینیت د غونډو په تالار کې د لوګر ولایت د مس عینک پروژې د تخنیکي ستونزو د هوارولو په موخه تخنیکي ناسته ترسره شوه
دغه ناسته د ځمکې لاندې اوبو سرچینو د رئيس محترم انجنیر عزیز الرحمن عزیز، د کانونو او پټرولیم وزارت د مس عینک پروژې د رئيس محترم انجنیر حمیدالله حبیبي، د ځمکې لاندې اوبو د تحلیل آمر محترم انجنیر منصور میرزاد، د مس عینک د قراردادي شرکت رئيس او یو شمېر کورنیو او بهرنیو متخصصینو په شتون کې ترسره شوه.
په دغه ناسته کې، د ځمکې لاندې اوبو د څېړنو پلان د غوره پلي کولو د ستایلو ترڅنګ د تخنیکي موضوعاتو د هوارولو په موخه هر اړخیز بحث ترسره شو، چې د تخنیکي اندونو تر تبادلې وروسته، قراردادي شرکت د رامنځته شوو ستونزو ته د رسیدګي ژمنه وکړه.
