د بدخشان انرژي شرکت له بیلابیلو برخو څخه څارنه ترسره شوه
د برېښنا انرژي په سکتور کې د عرضه کوونکو او جواز اخیستونکو د څارنې او ارزونې په موخه د برېښنا انرژي د خدمتونو د تنظیم عمومي ریاست تخنیکي پلاوي د برېښنا انرژي مارکیټ تخنیکي رئیس محترم انجنیر همت الله امین زي او ورسره مل تخنیکي پلاوي د برېښنا انرژي په برخه کې د اوبو او انرژي وزارت د قوانینو، مقرراتو او پالیسیو د پلي کولو او د بدخشان انرژي شرکت د څارنې او بیا کتنې په موخه بدخشان ولایت ته سفر وکړ او د بدخشان انرژي شرکت اجرائیوی رئیس محترم انجنیر عزیز علي شاه سره یې وکتل.
په دې کتنه کې، د تخنیکي، سوداګریزو، حقوقي او معلوماتي موضوعاتو (د د سپيچېنګ په دستګاه کې د مهمو مسایلو تر څنګ، د سکاډا سیستم، د تولیداتو برخې ارقام، د برېښنا انرژي د وېش، ورځني ارقام، د دستګاه ورځنی ژورنال، د شرکت بيلانس شیټ، له تاجکستان هېواد څخه د انرژي د واردولو، د ترلاسه شوي او مصرف شوي انرژي ارقام، د شرکت د عايداتو او لګښتونو حسابونه) او نور مهم مسايل تر بحث لاندې ونيول شول.
د دغه سفر په دوام د برېښنا انرژي د مارکېټ تخنيکي رئیس او ورسره مل تخنيکي پلاوي په داسې حال کې چې د بدخشان د کوکچې سیندیزې فرعي حوزې رئیس محترم مولوي نظرمحمد شاکري، د شمال شرق زون د انرژي آمر او د بدخشان انرژي شرکت اجرائیوي رئیس هم حضور درلود، د بدخشان انرژي شرکت له بیلا بیلو تولیدي او د برېښنا انرژي د توزیعي څانګو څخه له نږدې لیدنه وکړه.
په پای کې د بدخشان انرژي شرکت اجرائیوي مشرتابه د اوبو او انرژي وزارت د څارنې له پلاوي سره د همکاري څرګندونه وکړه او ژمنه یې وکړه چې د چارو په ښه پلي کولو کې به اړینه همکاري کوي.
