د ترکي شرکتونو د یوې ډلې مسؤلینو د پانګونې د جلب او جذب له رئيس سره په لیدنه کې د اوبو او انرژي په پروژو کې پانګونې ته لېوالتیا څرګنده کړه
د اوبو او انرژي وزارت د پانګونې د جلب او جذب رئيس محترم مولوي رحمتولي رحماني د خپل کار په دفتر کې د ترکیې هېواد د پانګوالو شرکتونو د یوې ډلې له مسؤلینو سره وکتل.
په دغه لیدنه کې، ترکي پانګوالو په افغانستان کې د اوبو او انرژي او د اوبو لېږد او سپما په پروژو کې پانګونې ته لېوالتیا څرګنده کړه.
په ورته مهال، د اوبو او انرژي وزارت د پانګونې د جلب او جذب رئيس په افغانستان کې د هغوی د پانګونې د لېوالتیا هر کلی وکړ او زیاته یې کړه، چې اوسمهال په افغانستان کې له هره پلوه د پانګونې لپاره زمینه چمتو ده.
مولوي رحماني ټینګار وکړ، چې د اوبو او انرژي وزارت به له هغو پانګوالو سره چې په افغانستان کې د پانګونې لپاره ریښتینی هوډ لري او په دې برخه کې عملي او اغېزمن ګامونه پورته کوي، په هر اړخیزه توګه د آسانتیاوو د چمتوکولو په برخه کې همکاري وکړي.
