د شمال عمومي حوزوي رئيس د آمو سیند څنډو له ویجاړشوو سیمو څخه لیدنه وکړه
د شمال عمومي حوزوي رئيس محترم انجنیر مجتبی او ورسره مل د بلخ ولایت د مقام د استازو او د آمو سیند څنډو او شمال عمومي حوزوي او د کلیو د پراختیا ریاستونو د تخنیکي ټیمونو په ملتیا د بلخ ولایت د مقام د لارښوونې او د امیر المومنین حفظه الله د فرمان پر بنسټ د بلخ ولایت په شورتپې ولسوالي کې د آمو سیند څنډو له ویجاړ شوو سیمو څخه لیدنه وکړه.
ښاغلي مجتبی له حیرتان څخه د شورتپې تر ولسوالی پورې د آمو سیند څنډو له زیانمیندونکو سیمو څخه لیدنه وکړه او تخنیکي ټیمونو ته یې لارښوونه وکړه، چې ډېر ژر دې زیانمنیدونکې سیمې په ګوته او ورته دې د بیړنۍ او بنسټیزې حل لارې چارې ومومي او د آمو سیند څنډو د سروې، ډیزاین او برآورد راپور دې له مرکز سره د شریکولو په موخه چمتو کړي.
