د فراه ولایت د بخش آباد بند د چارو وضعیت څېړلو په موخه د لا ښې همغږۍ ناسته وشوه.
د یاد ولایت د بخش آباد بند د چارو وضعیت څېړلو په موخه د همغږۍ دغه ناسته د اوبو د چارو د تنظیم ملي ادارې عمومي رئيس او د انرژۍ د خدمتونو د ادارې د سرپرست انجنیر خان محمد تکل لخوا د دغه ولایت د ولس استازو او قومي مشرانو، د ادارې د تخنيکي ټيم او قرر دادي شرکت په شتون کې تر سره شوه.
په دغه ناسته کې د بخش آباد بند پروژې د کار عملي چارو په وضعیت او د کار په چټکتیا خبرې وشوې.
د اوبو د چارو د تنظیم ملي ادارې عمومي رئيس د پروژې د ارزښت یادولو تر څنګ د کار په چټکتیا ټينګار وکړ زیاته یې کړه چې یاده جلسه دې د چارو د لا ښه پرمختګ په موخه په دوامدر ډول جوړه شي.
په ورته وخت کې د فراه ولایت د ولس استازو د اوبو د چارو د تنظیم ملي ادارې د کار ارزښت ته په پام سره وویل چې د چارور لا ښه پرمختګ په موخه هر ډول همکارۍ ته ژمن دي.
یاده دې وي، چې د بخش آباد د اوبو لګولو او بريښنا بند به د ٢٧ میګاواته بريښنا تولید ارزښت ولري، ۱۳۶۴ میلیونه متره مکعب اوبه به ذخیره کوي او ۶۸ زره هکټاره ځمکه به خړوبوي.
