د لغمان ولایت د شاهي کانال چارې ۱۱ سلنه پرمخ تللې دي
د لغمان ولایت د اوبو او انرژي رئيس محترم مولوي شیرجان راشدي او د دغه ریاست تخنیکي سلاکار د شاهي کانال د چارو له بهیر څخه څارنه وکړه او اړوندو مسؤلینو ته د چارو د غوره کیفیت او چټکتیا په موخه اړینې لارښوونې وکړې.
شاهي کانال د لغمان ولایت په الینګار ولسوالي کې موقعیت لري. دغه کانال په ټوله کې د دوو فازونو په درلودلو سره 70 کیلو متره اوږدوالی لري او کابو 20 زره هکتاره ځمکه خړوبوي چې اوسمهال یې چارې11سلنه پرمخ تللې دي.
د نوموړې پروژې لومړی فاز د 30 کیلو متره په اوږدوالي سره په څلورو برخو (لاټونو) کې پلي کېږي او ۵ زره هکتاره کرنیزه ځمکه خړوبوي. د دغې پروژې د لومړي فاز لومړۍ برخه 6.6 کیلو متره اوږدوالی لري.
