د لیژې ذخیروي بند پروژې چارې شاوخوا 10 سلنه او د ارخېلو ـ کچاخېلو کانال پروژې چارې شاوخوا 8 سلنه ترسره شوې دي
د شمل خرم فرعي سیندیزې حوزې تخنیکي ټیم د ګربزو ولسوالي اړوند د لېژې کوچني ذخیروي بند او د اسماعیل خیلو مندوزیو ولسوالي اړوند د ارخېلو ـ کچاخېلو کانال د پروژې د چارو له بهیر څخه لیدنه وکړه.
د لیژې ذخیروي بند پروژې چارې شاوخوا 10 سلنه سرته رسیدلې دي همدارنګه د ارخیلو ـ کچاخیلو کانال پروژې چارې شاوخوا 8 سلنه ترسره شوې دي او د تخنیکي ټیم له لوري د چارو په ښه کیفیت سره د ترسره کولو په موخه د ساحې انجنیرانو ته اړینې لارښوونې وشوې.
د یادونې وړ ده چې د ګربزو ولسوالي د لیژې ذخیروی بند چارې د اوبو او انرژي وزارت په مالي لګښت او د ارخېلو ـ کچاخېلو کانال پروژې چارې د اېف، اې، او نړیوالې مؤسسې په مالي لګښت ترسره کيږي.
