د ننګرهار سیندیزې حوزې رئيس د یوه اوبو بند او کانال د پاکاري پروژو د چارو له بهیر څخه څارنه وکړه
د ننګرهار سیندیزې حوزې رئيس ښاغلي سید فضل احد هاشمي او ورسره مل تخنیکي ټیم د ننګرهار ولایت د روداتو ولسوالي په روغانو کلي کې د یوه اوبو بند او کانال د پاکاري چارو له بهیر څخه څارنه وکړه او مسؤلینو ته یې لازم هدایات ورکړل.
په یاده پروژه کې له ۷۰۰ څخه زیات کسان کار کوي او ټاکل شوې ده چې چارې یې د شپږو میاشتو په موده کې بشپړې شي.
همدارنګه د یادې سیندیزې حوزې مسؤلینو د یوه ګډ پلاوي په ترکیب کې د ننګرهار ولایت په حصارک ولسوالي کې د څښاک پاکو اوبو رسولو پروژو د ودانیزو چارو له بهیر څخه څارنه وکړه او مسؤلینو ته یې لازم هدایات ورکړل.
