د ننګرهار مرستیال والي، د ننګرهار د اوبو او انرژی رئیس او د ملګرو ملتونو پراختیایی دفتر د مسؤولینو تر منځ د حصارک ولسوالي د وچ تنګي د اوبو ذخیروي بند په هکله همغږۍ ناسته ترسره شوه
دغهٔ ناسته د ننګرهار مرستیال والي مولوي مصطفی عزیز تر مشري لاندې د ننګرهار د اوبو او انرژی رئیس الحاج سید فضل احد هاشمي، تخنیکي انجنیرانو او د ملګرو ملتونو پراختیایی ادارې د مسؤولینو په شتون کې د حصارک ولسوالي د وچ تنګي د اوبو ذخیروي بند په هکله ترسره شوه.
نوموړی بند چې د حصارک ولسوالي د کرنیزو ځمکو د خړوبولو په موخه جوړېږي چې د رغولو چارې به یې په نږدې راتلونکي کې د ننګرهار ولایت د اوبو او انرژي ریاست تر څارنې لاندې د ملګرو ملتونو د پراختیایي دفتر په مالي لګښت سره ترسره شي او ګڼ شمېر ځایي اوسېدونکو ته به پکې د کار زمینه هم برابره شي.
