د ننګرهار ولایت په بېلا بېلو سیمو کې د ویجاړ شوو سربندونو او کانالونو سروې ترسره او یو بولډروال هم ګټې اخیستنې ته وسپارل شو
د ننګرهار ولایت د اوبو او انرژي ریاست تخنیکي ټیم د جلال آباد ښار او نورو بېلابېلو ولسوالیو کې د ساتنې او څارنې په موخه د ویجاړ شوو سربندونو او کانالونو سروې ترسره کړه او په پاتې ولسوالیو کې به هم دوام ومومي.
له بلې خوا د جلال آباد ښار اړوند بهسودو پل ته څیرمه د 673 متره بولډروال ګټې اخیستنې ته وسپارل شو.
نوموړی بولډروال د سید فضل احد هاشمي، د ننګرهار ولایت د اوبو او انرژي رئیس، مولوي مصطفی عزیز د ننګرهار مرستیال والی، انجنیر شمس الرحمن شمس، د اوبو او انرژي ریاست سلاکار، مولوي نقیب الله طارق د یاد ولایت ښاروال د بهرنیو چارو ریاست رئیس او د افغانستان لپاره د یو، اېن هبیتات عمومي مشره سټېفن روس او د یو شمېر نورو سیمه اییزو مشرانو په شتون کې ګټې اخیستنې ته وسپارل شو.
د نوموړي بولډروال رغنیزې چارې د ننګرهار ولایت د اوبو او انرژي ریاست تر څارنې لاندې د یو، اېن هبیتات مؤسسې لخوا د شاو خوا 284 زره آمریکایي ډالرو په ارزښت بشپړې او ګټې اخیستنې ته وسپارل شو.
