د پلخمري له الوان دښتې څخه د کابل تر ارغندۍ سب سټيشن پورې د ۵۰۰ کیلو ولت برېښنا انرژي لېږد مزي پروژې د رغولو چارې ۷۳ سلنه بشپړې شوې دي

دغه پروژه چې د اوبو او انرژي وزارت له مهمو پروژو څخه ده، اوسمهال یې چارې ۷۳ سلنه پرمخ تللې او پاتې چارې يې په چټکۍ سره روانې دي او د چارو په بشپړیدو سره ۱۲ ولایتونو ته برېښنا لېږدوي.

اوسمهال د نوموړې پروژې د فونډیشن، د پایو نصب او د لین کشۍ چارې په چټکۍ سره روانې دي او له ټاکل شوې مهال وېش سره سم به د دغې پروژې چارې بشپړې او ګټې اخیستنې ته وسپارل شي.

دغه پروژه چې د پلخمري له الوان دښتې څخه د کابل تر ارغندۍ سب سټیشن پورې غځیدلې ده،  ۲۳۸ کیلو متره اوږدوالی لري چې د چارو په بشپړېدو سره به یې د کابل، بغلان، پروان، میدان وردګ، غزني، زابل، کندهار، ننګرهار، لغمان، لوګر، پکتیا او خوست ولایتونو ته به په منظم ډول برېښنا لېږدوي.

.