د پنج آمو عمومي حوزوي رئيس د کښتنۍ کوکچې بند د قراردادي شرکت له مسؤلینو او د اوبو او انرژي وزارت له پلاوي سره وکتل
د پنج آمو عمومي حوزوي رئيس محترم مولوي عبدالحکیم حاجي حکمت د کښتنۍ کوکچې بند د قراردادي شرکت له مسؤلینو او د اوبو او انرژي وزارت له پلاوي سره، قراردادي شرکت ته د جیوتکنیکل سروې د ترسره کولو په موخه د بند سیمې د سپارلو په هکله وکتل او په دې هکله یې بحث او د اندونو تبادله وکړه.
همدارنګه، د پنج آمو عمومي حوزوي رئيس د اوبو او انرژي وزارت د کړنلارو او برنامو ریاست او د ملکیتونو او جایدادونو د تثبیت له پلاوو سره وکتل او د اړوندو موضوعاتو په هکله تر خبرو، اترو وروسته د نوموړي ریاست مسؤلینو ته یې دنده وسپارله، چې د وزارت له پلاوو سره دې اړینه همکاري وکړي.
