د پوهاوی پیغام!
د هیواد په ځینو سیندونو کې د روان کال د چنګاښ میاشتې د نیمیایی څخه د زمری میاشتې تر پایه پورې د اوبو د راپورته کېدل او د اوبو د کچی لوړوالی.
د سږکال د واورې پوښښ او زیرمو په پام کې نیولو سره، د سټلایتی انځورونو د څیړنو، د حرارت د درجی لوړوالی او په کابل او د آمو په پنځه سیندیز حوزو کی د سیندونو د ۱۰ کلنی ( ۲۰۰۸-۲۰۱۸) د اوبو د بهیر منځنۍ کچی د اندازه د ګرافونو تحلیل (چی د هغو د اوبو د سرچینو اساسی منابع د واورې او یخچالونو اوبه کیدل ده)په دی اساس د اوبو راپورته کېدلو موسم راغلی ده. له نېکه مرغه د (1398) په اوبیز کال کی په لوړو او غرنیو سیمو کې د اوبو زیرمی او د واورې پوښښ کچه د تیرو کلونو په پرتله لوړه ده، د واورې ضخامت او تراکم هم لوړ دی. چی د حرارت د زیاتوالي سره د د واورې د چټک اوبه کیدولو امکان شتون لري او کیدلی شی د روان کال د چنګاښ میاشتې د نیمیایی څخه د زمری میاشتې تر پایه پورې د اوبو د راپورته کېدلو او د اوبو د کچی د لوړوالی سبب شي.
د کابل په سیندیزه حوزه کی د پنجشیر، سالنګ، نجراب، لغمان او کنر سیندونه او د آمو پنځه سیندیزه حوزه کی د بامیان، اندراب، بغلان، بنگی، تالقان، اشکاشم،آمو، پنج بالایی، او د کشم کوکچه سیندونو کی د اوبو د احتمالی راپورته کېدلو امکان شته. نو د ټولو هیوادوالو او قدرمنو خلکو څخه چې د سیند په غاړه او بهیر کې اوسیږي، غوښتنه کیږی چی د دې موضوع بشپړ ولری او د خپل شخصي او خپلو ماشومانو د خوندیتوب لپاره د سیند سواحلو ته د نږدې کیدلو څخه مخنیوي وکړئ.
مهربانی وکری دا مهم پیغام شریک کړئ
