په ارزګان ولایت کې د ګرماب درګي چکډیم پروژې چارې ۹۵ سلنه بشپړې شوې دي
۱۴۴۸/۴/۲۵هـ. ق مطابق۱۴۰۵/۷/۱۶هـ .ل
د ترینکوټ سیندیزې فرعي حوزې ریاست مسؤلینو د ارزګان ولایت د مرکز، ترینکوټ اړوند د ګرماب درګي چکډیم پروژې د چارو له بهیر څخه څارنه وکړه.
د یادې پروژې چارې چې د اوبو او انرژي وزارت له پراختیایي بودجې څخه د ۶ میلیونه، ۸۶ زره او ۲۰۰ افغانیو په لګښت پرمخ وړل کېږي، تر اوسه پورې ۹۵ سلنه بشپړې شوې او ګټې ته په سپارلو سره به یې د ځمکې لاندې اوبه تغذیه او د اوبو په برخه کې د خلکو ستونزې تر یوه بریده هوارې شي.
