د پکتيا سينديزې فرعي حوزې رئيس د سيلاب ځپلو ستونزې واوريدې.
د پکتيا سينديزې فرعي حوزې رئيس ښاغلي مولوي محمد کريم فاتح او د دغه رياست سلاکار انجنير نجيب الله توتاخيل د ابراهيم خيلو قومي مشرانو سره، د وروستيو سيلابونو له امله د پيښو شويو ستونزو او دوی ته د اوښوتو زيانونو د اوريدو او حل په موخه ناسته ترسره کره.
قومي مشرانو د سيلاب له اغيزو او د هغه د بهيدونکي تغيیر شوي مسير په اړه رامنځته شوې ستونزې بيان کړې او د یادو ستونزو د هوارولو لپاره د بیړني حل غوښتنه وکړه.
ښاغلي فاتح د دوی ستونزې پر ځای وبللې او زياته يې کړه، چې ددغې موضوع د لا ښې روښانتيا او څيړنې په موخه تېره ورځ زموږ تخنيکي پلاوي له نوموړې ساحې څخه لېدنه کړې او ستاسو ستونزو ته پاملرنه شوې ده.
نوموړي همداراز د ډاډ په موخه وويل، چې يادې موضوع پورې به له اړوند ارګانونو سره په ګډه د حل لارې چارې ولټول شي.
