د پکتيا سينديزې فرعي حوزې رئیس د لويو قراردادونو د بررسي تخنیکي پلاوي سره غونډه ترسره کړه.
د پکتيا سينديزې فرعي حوزې رئیس مولوي محمد کریم فاتح د لويو قراردادونو د بررسي ګډ تخنیکي پلاوي سره د ټولګټو چارو وزارت اړوند پروژو د قراردادونو د بررسي کولو په موخه د همکاري او همغږي ناسته ترسره کړه.
په ياده غونډه کې د پکتیا سیندیزې فرعي حوزې رئيس ګډ پلاوي ته د اوبو او انرژي وزارت د ترتیب شوي پلان سره سم د همکاري ډاډ ورکړ او د لا ډېرو هڅو او آسانتياوو برابرولو ژمنه يې وکړه.
له مرکز څخه راغلي پلاوي له ترسره کړيو کړنو څخه خوښي وښوده او د ولايتي شاملو ادارو تخنیکي استازو په ملتيا يې اړوندو سیمو ته د سفر کولو تیاری وښوده.
