د پکتیا سیندیزې فرعي حوزې رئيس د یو نیسف له استازي سره وکتل
د پکتیا سیندیزې فرعي حوزې رئيس ښاغلي مولوي محمد کریم فاتح د سویل ختیځ زون لپاره د یونیسف موسسې له مسؤل ښاغلي انجنیر محمد رستم رحیمي سره وکتل.
په یاده ناسته کې، د روغتیایي پاکو اوبو د رسولو پروګرام په پراختیا او غوره ډول پلي کولو په هکله بحث او د نظر تبادله وشوه.
د یادې موسسې مسؤل د روغتیایي پاکو اوبو رسونې پروګرام تر سرلیک لاندې د پراختیايي پروژو په برخه کې د همکاري غوښتنه وکړه.
په ورته مهال، ښاغلي فاتح د نوموړي موسسې له مسؤل سره د هر راز همکاري ژمنه وکړه.
