د کابل ولایت حشمت خان کول د اوبو طبېعي ډنډ لمړنۍ سروې ترسره شوه
د کابل عمومی سیندیزې حوزي او کابل منځنۍ فرعي سیندیزې حوزې تخنیکي ټیم د حشمت خان کول د اوبو طبېعي ډنډ څخه لیدنه او لمړنۍ سروې ترسره کړه.
یاد طبېعي ډنډ د تاریخي، ملي او فرهنګي ارزښت په لرلو سره د لوګر سیند څخه د مستان کانال په واسطه چې۶.۵ کیلومتره اوږدوالی لری اوبه اخلي، چې د کابل ښار د ځمکې لاندې اوبو د تغذیې او د ژوند چپریال لپاره خورا ارزښت لرونکی د اوبو طبېعي ډنډ دی.
په دې وروستیو کې د اوبو د کموالي او یو لړ چاپیریالې ستونزو په نتیجه کې د یاد ډنډ موثریت کم شوی، چې دغه ستونزې د تخنیکي ټیم لخوا په ګوته شوې او په نږدې راتلونکي کې د ستونزو د هوارولو لپاره به یو مناسب د حل لار ولټول شي.
