د کندهار ولایت په ډنډ ولسوالي کې د یوه کانال د سربند د جوړولو چارې د څه پاسه 2 میلیونه افغانیو په ارزښت پیل شوې

د نوموړي کانال د سربند د جوړولو چارې د کندهار ولایت د اوبو او انرژي ریاست تر څارنې لاندې د ملګرو ملتونو د پراختیایي دفتر لخوا د 2 میلیونه 150 زرو 797 اعشاریه 18 افغانیو په مالي لګښت ترسره کېږي. دغه سربند د 150 متره اوږدوالي او 1.9 متره لوړوالي په درلودلو سره د کندهار ولایت د ډنډ ولسوالي د مرد قلعې په کلې کې جوړېږي.

د یادولو وړ ده چې، نوموړې پروژه به د 2 میاشتو په موده کې بشپړه شي او په رغولو سره به یې د ځایي اوسېدونکو زراعتي ستونزې هوارې شي.