د TLO موسسه په کندز ولایت کې د اوبو په سکتور کې د یو شمير پروژو چارې له ۲۰۰- ۲۵۰ زره یورو په ارزښت پیلوي
د پنج آمو سیندیزې حوزې عمومي رئيس د خپل کار په دفتر کې د TLO موسسې له مسؤلینو سره وکتل او په کندز ولایت کې د اوبو سکتور په برخه کې د یو شمېر پروژو د عملي کولو په هکله بحث او د نظر تبادله وکړه.
په دغه لیدنه کې، د یادې موسسې مسؤلینو د خپلې پانګونې چمتووالی له ۲۰۰- ۲۵۰ زره یورو په ارزښت په کندز ولایت د اوبو سکتور د یو شمېر پروژو د عملي کولو په برخه کې څرګنده کړه.
د پنج آمو سیندیزې حوزې عمومي رئيس د یادې موسسې د اوبو یو شمېر پروژو د عملي کولو په برخه کې له مالي ملاتړ څخه قدرداني وکړه او د کندز ولایت په شمول په یو شمېر ولسوالیو کې شپږ پروژې معرفي کړي.
