غزني ولایت کې د سردې بند د حفظ او مراقبتي پروژې چارې ۸۰ سلنه پرمخ تللې دي
د غزني ولایت د فرعي سیندیزې حوزې ولاړو اوبو ریاست مسؤلینو د سردې بند د حفظ او مراقبتي پروژې د چارو له بهیر څخه په داسې حال کې څارنه وکړه، چې د غزني تخنیکي پوهنتون د انجنیري پوهنځي د سیول څانګې ۲۲ تنه زده کړیالانو د عملي زده کړو د زده کولو په موخه یې ملتیا کوله.
د نوموړې حوزې د مسؤلینو له لوري د نوموړي پوهنتون زده کړیالانو ته د کانکریټو ساحوي سلمپ آزمایښت، د کانکریټو داخلي تودوخې آزمایښت او د فشار د آزمایښت لپاره د سلنډرونو د ډکولو طریقو په برخو کې عملي زده کړې ورکړل شوې.
د یادونې وړده، چې د نوموړې پروژې د حفظ او مراقبتي چارې ۸۰ سلنه پرمخ تللې او ډېر ژر به ګټې اخیستنې ته وسپارل شي.
