فاریاب ولایت کې د یوه هایدرومیتیورولوژي سټيشن د استنادي دېوال جوړولو پروژه د نږدې دوه میلیونه افغانیو په لګښت پیل شوه
د فاریاب ولایت په قیصار ولسوالي کې د ینګي زرغوی هایدرومیتیورولوژي سټیشن د استنادي دېوال جوړولو پروژه د ۱ میلیون، ۸۹۷ زره او ۹۰۰ افغانیو په لګښت د فاریاب د اوبو او انرژي ریاست د مسؤلینو او قومي مشرانو په شتون کې پیل شوه.
د نوموړي هایدرومیتیورولوژي سټيشن استنادي دېوال د 119.40 متره په اوږدوالي، د ۲ متره په پلنوالي او د 3.30 متره په لوړوالي سره د اوبو او انرژي وزارت له پراختیایي بودجې څخه د فاریاب د اوبو او انرژي ریاست تر څارنې لاندې جوړیږي.
