لغمان ولایت کې د یوه چکډم د جوړېدو چارې د نږدې 3 نیم میلیونه افغانیو په لګښت پيل شوې
د لغمان ولایت د مرکز اړوند کرنج سیمه کې د 3.4 میلیونه افغانیو په لګښت د یوه چکډم د جوړېدو چارې د لغمان د والي محترم شیخ شیراحمد حقاني، د لغمان د سیندیزې فرعي حوزې د رئيس محترم مولوي شیرجان راشدي، د ایف، جي، اي مؤسسې د مسئولینو او د ګڼ شمېر ځایي اوسیدونکو په شتون کې پيل شوې.
د نوموړي چکډم د چارو په پرانیست غونډه کې د لغمان والي محترم شیخ شیراحمد حقاني وویل، چې د دغه چکډم د چارو په بشپړېدو سره به اوبه مدیریت شي او زیاته یې کړه، چې اسلامي امارت او ولایتي اداره دې ته ژمن دي، چې د اوبو د مدیریت لپاره هڅې وکړي؛ ترڅو د اوبو ټيته سطحه راپورته شي.
همدارنګه د لغمان د سیندیزې فرعي حوزې رئيس محترم مولوي شیرجان راشدي د نوموړي چکډم په هکله معلومات وړاندې کړل او زیاته یې کړه، چې دغه چکډم د ۲۶ متره په اوږدوالي او څلورنیم متره په جګوالي سره جوړېږي.
د دغه چکډم چارې د ډبلیو، ایف، پي موسسې په مالي لګښت د لغمان د سیندیزې فرعي حوزې تر څارنې لاندې پرمخ وړل کېږي.پ
