له غزني څخه تر کندهار پورې د ۲۲۰ کیلو ولټه مزي د لېږد پروژې په هکله د همغږي ناسته ترسره شوه
یاده غونډه د انرژي پروژو د کیفیت کنترول رئيس ښاغلي ناصر شاه وزیري، د افغانستان برېښنا شرکت د برنامو رئیس ښاغلي ډاکټر عبدالقاهر عابد، د قراردادي شرکت استازي او یو شمېر نورو تخنيکي مسئولینو په شتون کې ترسره شوه.
په دې غونډه کې ، له غزني څخه تر کندهار پورې د ۲۲۰ کیلو ولټه مزي د لېږد پروژه له قراردادي شرکت څخه برېښنا شرکت ته د اړتیا وړ همغږی او د یادې پروژې د لېږد د طی مراحلو په اړه بحث او د نظر تبادله وشوه.
د غونډې غړو د چارو د پرمختګ او ساحې ته د ګډ پلاوي د سفر په اړه د بحث او اندونو تر تبادلې وروسته، د اړتیا وړ پریکړې ونیولي.
همدارنګه په یاده ناسته کې، د انرژي معینیت او د افغانستان برېښنا شرکت ترمنځ پر لازیاتې همغږي باندې ټینګار وشو.
د یادولو وړ ده، چې د افغانستان اسلامي امارت د رئیس الوزرا د حکم پر بنسټ د اوبو او انرژي وزارت، د افغانستان برېښنا شرکت او د قراردادي شرکت ګډ پلاوي ته دنده سپارل شوې، ترڅو د غزني څخه تر کندهار پروې د ۲۲۰ کیلو ولټه مزي د ليږد پروژه له نږدې څخه وڅاري او د یادې پروژې د تطبیق په موخه یاده پروژه دې له قراردادي شرکت څخه د افغانستان برېښنا شرکت ته ولېږدوي.
