لوګر ولایت کې د دوو پروژو له چارو څخه څارنه وشوه
۱۴۴۷/۱۲/۳ هـ ق مطابق ۱۴۰۵/۲/۳۰ هـ ش
د لوګر سیندیزې فرعي حوزې رياست تخنیکي ټیم د مرکز اړوند کمال خېلو کانال تحکيماتي پروژې د چارو له بهیر څخه څارنه وکړه او اړوندو مسؤلینو ته یې اړینې لارښوونې وکړې.
د دغې پروژې چارې چې د اوبو اوانرژي وزارت په مالي لګښت د لوګر سیندیزې فرعي حوزې ریاست تر څارنې لاندې پرمخ وړل کېږي، چې چارې یې تراوسه پوري ۱۵ سلنه بشپړې شوې دي.
دغه راز د لوګر سیندیزې فرعي حوزې ریاست تخنیکي ټیم د خروار ولسوالي خواجه انګور کانال د چارو له بهیر څخه څارنه وکړه او اړوندو مسؤلینو ته یې اړینې لارښوونې وکړې.
د دغې پروژې چارې د لوګر سیندیزې فرعي حوزې ریاست تر څارنې لاندې د ( یو، این، ایف،اې، او ) مؤسسې په مالي لګښت پرمخ وړل کېږي، تر اوسه پورې یې چارې ۳۰ سلنه بشپړې شوې دي.
