هرات ولايت کې يوه غونډه د خلکو او اوبو ګټې اخيستونکو ټولنې د ملاټر تر سرليک لاندې ترسره شوه
دغه غونډه د هرات والي محترم مفتي نورالدين احمد اسلام جار، د هريرود- مرغاب عمومي حوزوي رٸيس محترم مولوي سيد عبدالسلام مستوفي آغا او د اوبو ګټې اخيستونکو ټولنې د مسٶلينو په شتون کې ترسره شوه٠
په دغه غونډه کې، د هرات والي په ټولنيزه او اقتصادي برخه کې د اوبو د اهميت او د پرمخ تللې اوبو لګولو ډولونو د اهميت په هکله هر اړخيزه وينا وکړه او له کروندګرو څخه يې وغوښتل، چې د پرمختللې اوبو لګولو له ډولونو څخه په تدريجي توګه ګټه پورته کړي، ترڅو له يوې خوا د اوبو په لګښت کې سپما وشي او له بلې خوا ډير محصولات تر لاسه کړي٠
په ورته مهال، د هريرود- مرغاب عمومي حوزوي رٸيس په دغه غونډه کې د اوبو ګټې اخيستونکو ټولنې د اغېزمن رول په هکله خبرې وکړې او د اوبو سپما او د اوبو تاسيساتو پر ساتنې باندې ټينګار وکړ٠
له بلې خوا، د نوموړي رياست تخنيکي سلاکار د اوبو او انرژي سرپرست وزير پيغام ولوست٠
په دغه غونډه کې، د هريرود- مرغاب عمومي حوزوي رياست انجنيرانو د اوبو څاڅکيزې او باراني اوبو لګولو د ډولونو او ګټو په هکله پرزنټيشنونه وړاندې کړل٠
همدارنګه، د دغې غونډې په پاى کې هغه ستاينليکونه چې د خلکو او د اوبو ټولنو د ګټې اخيستونکو له لوري د اوبو مديريت کليدي کسانو او هغه ستاينليکونه چې د هريرود- مرغاب عمومي حوزوي رياست له لوري د اوبو ګټې اخيستونکو ټولنو رٸيسانو ته چمتو شوې وو، ووېشل شول٠
