هلمند ولایت کې د ګوره خیري د اوبو ذخیره کولو کوچني بند چارې ۵۰ سلنه پرمخ تللي دي
د هلمند ولایت په نوزاد ولسوالي کې د ګوره خیري د اوبو ذخیره کولو کوچني بند چارې ۵۰ سلنه پرمخ تللي دي.
نوموړی بند د اوبو او انرژي وزارت په مالي لګښت د دوه میلیونه، دوه سوه څلور اتیا زره او پنځه شپېته (۲،۲۸۴،۰۶۵) افغانیو په ارزښت د سیلابونو د ویجاړیو د مخنیوي، د باران اوبو د راټولولو او د ځمکې لاندې اوبو د پياوړتیا په موخه جوړیږي، چې پکې ګڼو خلکو ته د کار زمینه چمتو شوې او په نږدې راتلونکي کې به ګټې اخیستنې ته وسپارل شي.
