پنجشیر ولایت کې د اوبولګولو کانال او استنادي دېوال جوړولو پروژو چارې د اووه میلیونه افغانیو په لګښت پيل شوې
د پنجشیر ولایت په لومړۍ برخې او پریان ولسوالیو کې د اوبولګولو کانال او استنادي دېوال جوړولو پروژو چارې د اووه میلیونه افغانیو په لګښت د پنجشیر والي محترم حافظ محمد حکیم آغا، د پنجشیر ولایت د اوبو او انرژي رئيس محترم مولوي فضل الله عادل، سیمه ایزو مسؤلینو او قومي مشرانو په شتون کې پيل شوې.
د پنجشیر والي د دغو پروژو رول د کرنیزو بنسټونو او کرنیزو ځمکو ته د طبیعي پېښو د زیان د مخنیوي او د پنجشیر خلکو ته د کاري زمینې د رامنځته کولو د پياوړتیا په برخه کې حیاتي وګاڼه.
په ورته مهال، د پنجشیر د اوبو او انرژي رئيس د دغو پروژو په پرانیست غونډه کې د هغوی د ارزښت په هکله د خبرو ترڅنګ وویل،مونږ هڅه کوو چې د خلکو د هوساینې لپاره اړینې بنسټیزې پروژې په ځانګړې توګه د کرنیزو او اوبولګولو په برخه کې پلي کړو.
نوموړې پروژې د اوبو او انرژي وزارت له بودجې د پنجشیر ولایت د اوبو او انرژي ریاست تر څارنې لاندې پرمخ وړل کېږي.
د یادونې وړ ده، چې د دغو پروژو په پلي کولو سره یو شمېر خلکو ته د کاري زمیني د رامنځته کېدو ترڅنګ، زرګونه جریبه ځمکه به د سیلابونو له خطر څخه خوندي شي.
