په اوبو او انرژي وزارت کې د واټر شیډونو د مدیریت (Watershed Management) تر سرلیک لاندې د وړتیا لوړولو ښوونیزه برنامه پیل شوه
د مخکنیو ښوونیزو برنامو په لړ کې دغه برنامه هم د اوبو او انرژي وزارت د مالي او اداري عمومي ریاست تر چتر لاندې د بشري سرچینو له لوري د دغه وزارت د یو شمېر نورو ریاستونو په همکاري سره د تخنیکي پوهاوي او وړتیا لوړولو په موخه ترسره شوه، چې پکې د مرکز او ولایتونو څخه څه باندې ۸۰ تنه انجنیرانو ګډون کړی وو.
د یادونې وړ ده، چې په دغه دوه ورځنۍ ښوونیزه برنامه کې د واټر شیډونو د مدیریت او پکې د جي، آی، اس برنامې د کارونې په هکله ګډونوالو ته د مسلکي او متخصصو انجنیرانو له لوري اړین معلومات وړاندې کېږي.
