په بادغیس ولایت کې د سولري برېښنا پروژو د پلي کولو په هکله خبرې، اترې وشوې
د بادغیس ولایت د اوبو او انرژي رئيس محترم مفتی سردار ولي مزمل د یو.این.او.پي. اس دفتر د ټولنیزې برخې له مسؤل محترم محب الله لایز سره وکتل او د بادغیس ولایت په بالا مرغاب ولسوالي کې د سولري برېښنا پروژو د پلي کولو په هکله بحث او د اندونو تبادله وکړه.
په دغه لیدنه کې، د نوموړي دفتر استازي د سولري برېښنا پروژو د پلي کولو په هکله بشپړ معلومات وړاندې کړل او زیاته یې کړه، چې ډېر ژر به د سولري برېښنا پروژو پلي کول د بادغیس ولایت د اوبو او انرژي ریاست په همغږي سره پيل شي.
د بادغیس ولایت د اوبو او انرژي رئيس په دغه لیدنه کې د سولري برېښنا پروژو د پلي کولو په برخه کې د همکاري ژمنه وکړه.
