په سمنګان ولایت کې د یو کانال، یو استنادي دېوال او یو پل د جوړولو پروژه د 6521615 افغانیو په ارزښت ګټې اخیستنې ته وسپارل شوه

د سمنګان ولایت مرکز ایبک ښار اړوند په ناجو پس کنده کلي کې د یو کانال، یو استنادي دېوال او یو پل د جوړولو پروژه د شپږ میلیونه پنځه سوه یوویشت زره شپږ سوه پنځه لس (6521615) افغانیو په ارزښت د خلم ایبک سیندیزې فرعي حوزې رئیس ملا محمد عمر انس، د اکتید دفتر مسئولینو او سپین ږیرو په شتون کې ګټې اخیستنې ته وسپارل شوه.

په یاده پروژه کې د 240 متره په اږدوالي، 0.8 متره سور او 1 متر ژوروالي سره د یو کانال جوړول؛ د 170 متره په اوږدوالي د یو استنادي دېوال او د 21 متره په اوږدوالي او 1.9 متره سور د یو پل جوړول شامل دي چې پکې ګڼ شمېر هېوادوالو ته د کار زمینه چمتو شوې وه.

یاده پروژه د 600 جریبه کرنیزې ځمکې د خړوبولو، د سیمي خلکو د تګ راتګ ستونزو د حل او د سیلابونو د خطراتو مخنېوي په موخه ترسره شوه.

د یادولو وړ ده چې یاده پروژه د ناروي د بهرنیو چارو وزارت په مالي ملاتړ د اکتید دفتر له لوري ترسره شوه.