په لوګر ولایت کې د دوو پروژو چارې د څه باندې یو میلیون افغانیو په ارزښت پیل شوې
د لوګر ولایت په محمد آغې ولسوالي او د یاد ولایت د مرکز، پل علم اړوند د ه نو او کمال خېلو کانالونو د پاکولو چارې د یو میلیون او یو سلو اته شپیته زره او یو سلو اته شپیته (۱۱۶۸۱۶۸) افغانیو په ارزښت د یاد ولایت د والي مرستیال ښاغلي مولوي انعام الله صلاح الدین، لوګر سیندیزې فرعي حوزې د رئيس ښاغلي حاجی عمراخان صدیقي او د یادې ادارې د یو شمېر نورو مسؤلینو په شتون کې پيل شوې.
د یادو کانالونو د چارو په پيل سره سلګونو کسانو ته د کار زمینه برابره شوې او همدارنګه د پروژې تر ګټې اخیستنې وروسته به ۱۶۱۰ هکتاره کرنیزه ځمکه خړوبه او تر نهه زره زیاتې کورنۍ به ورڅخه ګټه واخلي.
د یادو پروژو چارې د اوبو سکتور د بشرپاله مرستو په مالي ملاتړ د لوګر سیندیزې فرعي حوزې تر څارنې لاندې پرمخ وړل کېږي.
