په لوګر ولایت کې د سرخاب بند د رسوبي تونلونو د رسوباتو او د بند د کاسي د رسوباتو د پاکاري چارې پیل شوې
د یادې پروژې چارې د لوګر سیندیزې فرعي حوزې رئيس ښاغلي حاجي عمراخان صدیقي، د یاد ولایت د کرنې رئيس ښاغلي مولوي سید محمد امین هاشمي او د یو شمېر نورو سیمه ایزو مسؤلینو په شتون کې د کار په مقابل کې د غنمو دګډې کمیټې دمسؤلینو له خوا پیل شوې.
د یادې پروژې د چارو په پرانیست غوڼده کې د لوګر سیندیزې فرعي حوزې رئيس د بند د ارزښت په هکله خبرې وکړي او له کارګرو څخه و غوښتل چې خپل کار په رښتيني او ایمانداري سره ترسره کړي.
په دې پروژه کې ګڼ شمېر کسانو ته د ۴۰ ورځو لپاره دکار زمینه چمتو شوې ده.
