په لوګر ولایت کې د څه باندې شپږ څلویښت زره امریکایې ډالرو په ارزښت د شاخ قند کانال د جوړولو پروژې چارې پرانیستل شوې
د لوګر ولایت د محمد آغې ولسوالي په سفید سنګ نوآباد کلي کې د شاخ قند کانال د جوړولو پروژې چارې د شپږ څلویښت زره او اووه پنځوس اعشاریه څوارلس(46057.14) امریکایې ډالرو په ارزښت د لوګر سیندیزې فرعي حوزې رئیس ملا محمد اسماعیل آخندزاده، د کرنې او مالدارۍ ریاست رئیس مولوي سید امین هاشمي، د محمد آغې ولسوال میر محمد هاشم سادات او یو شمیر نورو سیمه ییزو مسئولینو په شتون کې پرانیستل شوې.
د یادونې وړ ده، چې نوموړې پروژه د 1200 متره په اوږدوالي سره د سولې ریښې مؤسسې په مالي ملاتړ د لوګر سیندیزې فرعي حوزې او د کرنې او مالدارۍ ریاست تر څارنې لاندې ترسره کېږي چې په بشپړېدو سره به یې 465 جریبه کرنیزه ځمکه خړوبه او د اوبو ضایعاتو څخه مخنیوی وشي.
