په میدان وردګ ولایت کې د یوې پروژې چارې د څه باندې یو سلو اته دېرش زره ډالرو په ارزښت پيل شوې
د میدان وردګ ولایت په چک ولسوالي کې د استنادي دیوالونو، پلچکونو او ورخونو چارې د یو سلو اته دېرش زره،څلور سوه شپږ ویشت ډالرو (138426) په ارزښت د میدان ښار سیندیزې حوزې رئيس محترم مولوي عبدالصمد حلیم ، د یادې ولسوالي ولسوال او یو شمېر مشرانو په شتون کې پيل شوې.
د یادې پروژې په پرانیست غونډه کې ښاغلي حلیم وویل چې له دې پروژې څخه به 29000 کسان په مستقیم او غیر مستقیم ډول ګټه واخلي.
