په هرات ولایت کې د څښاک اوبو یوه پروژه پرانیستل شوه
د هرات ولایت د کهسان ولسوالي د کمانه جوی او حاجي بدرو کلیو ترمنځ د څښاک اوبو ګډه پروژه د کلیو پراختیا او بیارغونې وزارت د سرپرست وزیر محترم ملا محمد یونس آخندزاده، د هریرود- مرغاب سیندیزې حوزې عمومي رئيس محترم مولوي عبدالسلام مستوفي آغا، د هرات والي محترم شیخ نوراحمد اسلام جار او یو شمېر نورو سیمه ییزو مسؤلینو په شتون کې پرانیستل شوه.
همدارنګه د هریرود سیند په څنډو کې د کلیو د کانالونو او سربندونو څخه لیدنه وشوه او د څښاک اوبو په برخه کې د خلکو ستونزې واورېدل شوې.
