کابل ولایت کې د ذمه یا قول دولتي چکډم د څه باندې ۵ میلیونه افغانیو په لګښټ ګټې اخیستنې ته وسپارل شو
دغه چکډم چې د کابل ولایت په کلکانو ولسوالي کې موقعیت لري، د ۵ میلیونه ۷۰۵ زره او ۶۷۵ اعشاریه ۴۱ افغانیو په لګښت نن د منځنۍ کابل سیندیزې فرعي حوزې د رئيس محترم مولوي نورالله حکمت او د کلکانو مرستیال ولسوال محترم مولوي نجیب الله او تخنیکي ټیم په شتون کې ګټې اخیستنې ته وسپارل شو.
دغه چکډم د ۴۲.۵ متره په اوږدوالي، ۷ متره لوړوالي او ۵۰ متره محافظتي دېوال په در لودلو سره جوړ شوی، چې د ۵۵ زره متره مکعب اوبو د زېرمه کولو وړتیا لري او ۲۵۰۰ کورنۍ ورڅخه برخمنې کیږي.
د نوموړي چکډم چارې د اسلامي امارت په مالي لګښت د منځنۍ کابل سیندیزې فرعي حوزې تر څارنې لاندې پرمخ وړل کېدي.
