کاپیسا ولایت کې د حقابې پر سر د را ولاړې شوې ستونزې په هکله خبرې، اترې وشوې
د کاپیسا ولایت د اوبو او انرژي رئيس محترم انجنیرکاوه خروش د کوهستان دوهمې حصې ولسوال محترم مولوي اسدالله ثاقب سره وکتل او د حقابې پر سر د را ولاړې شوې ستونزې او د شیرک-پیرک او کره تاز کلیو د اوسېدونکو ترمنځ د کره تاز څانګې د خرم کانال د کنټرولې دروازې ستونزې د هوارولو په هکله بحث او د اندونو تبادله وکړه.
په دغه ناسته کې، د نوموړو موضوعاتو په هکله د اوبو د تنظیم قانون، تقنیني اسنادو او تخنیکي پلاوي د اندونو په رڼا کې اړین تصمیمونه ونیول شول.
همدارنګه، په دغه ناسته کې د اوبو سرچینو پر سر د را ولاړې شوې ټولنیزې ستونزې او د ځینو کسانو له لوري د افغان عمومي کانال د حریم د غصب په هکله هم بحث او د اندونو تبادله وشوه.
