کاپیسا ولایت کې د قول بابر سربند د بیارغونې او د کانال د بازو د ټینګښت چارې ۵۵ سلنه پرمخ تللې دي
د کاپیسا د اوبو او انرژي رئيس محترم انجنیر کاوه خروش او ورسره مل د دغه ریاست یو شمېر مسؤلینو او تخنیکي ټیم په کاپیسا ولایت کې د قول بابر د سربند د بیارغونې او د کانال د بازو د ټینګښت د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
په دغه پروژه کې د اړوند کانال د بازو ۱۵۶ متره ټینګښت او سربند شامل دي چې چارې ۵۵ سلنه پرمخ تللې او د چارو په بشپړېدو سره به یې د لاندني او پورتني قول بابر او د جامع جومات سیمې خلک برخمنې شي.
د دغې پروژې چارې د اف.اي. او موسسې په مالي لګښت د کاپیسا ولایت د اوبو او انرژي ریاست تر څارنې لاندې پرمخ وړل کېږي.
